ياعديل الروح

ياعديل الروح منكـ ماشكيت
الشكاوي لجل عينكـ تنحسر

كيف ابشكي منكـ وانت اللي وفيت
لا خيانهـ جتني منكـ ولا غدر

صرت أدور ما يعيبكـ مالقيت
صرت أحاول في صفاتكـ أختصر

ان نويت أقسى حبيبي ما قسيت
طيبتكـ يازين منها أعتبر

إن بغيت ارضيكـ شفتكـ لي رضيت
إن عيوني انعمت كلكـ نظر

كل جرح من وسط قلبي بريت
لا عرفت الهم ولا ذقت الكدر

من عرفتكـ لقمتي فيها رضيت
من عرفتكـ وانت لي أكبر فخر

كان حبكـ بلوهـ فـ أنا ابتليت
يا عساني بكل بلوهـ استمر

عبرتي تختنق اذا شفتكـ بكيت
دمعتكـ جابت لي زلزال وقهر

ليتني جمبكـ حبيبي يا ليت
لجل امسح كل دمعهـ تنهمر

كل هم سيدي لجلكـ رميت
إرم همكـ تلقى نفسكـ منتصر

ياحياتي ذا قصيدي إن قريت
إذكر إني في هوآكـ منأسر

كامل بالزين غيركـ ما رأيت
يا ملاكـ في عيوني مو بشر

من يقول إني نسيتكـ ما نسيت
لجلكـ بقضي سنيني أنتظر