يمة ليته انشل لسانــــي ...ولا نطقت ولا جرحتج
يمة ليت اعيوني عميت ...وبقســـــاوة مـا نظرتج
يا ما ســهرتج ليالـــــي ...يا ما بأفعــــالي ظلمتج
وانت تسقيني بحنانـــج ...توني يا يمة عـــــرفتج
وشكثر صرت انا قاسي ...توني حسيت وصحيت
شني بحبج وعطفــــــج ...والحنانـــــج ما وعـيت
يا ما عذبتـــــــج يا يمة ...يا ما ويا ما قســــــيـت
ليت اموت ولا اتـــعبج ...آه ولو تنفع يا ريــــــت
يا بني أسم الله على طولك ...يا تعب عمري وسنيني
أشقى وأتعذب عشانــــــك ...لجلك أهـــــــاتي ونيني
آني يا وليدي رويــــــــتك ...من نهر قلبـــي وعيـني
جنت أرجيك لحياتــــــــي ...تكبر وترفع جــــــبيني
يا نظر عيني حملتــــــــك ...بروحي إحساس ومعاني
شلــــــــــتك بقلبي مشاعر ...شـــــــــفتك أمال وأماني
أتــــــــــحملت آلامي لـني ...ردتــــــك لتـــالي زماني
ما يهم لو أشـــــقى عمري ...لجلـــــك أتهضم وأعاني
يا ندى وزهرة وشبـــــابي ...روحي جناح الحمـــام
يكفي يا وليدي شكثرهــــا ...بقلبي اجراح وســـهام
تدري جم أنة في صـدري ...ما يوفيــــــــــها الكلام
ما يــــــــهمني شما يجيني ...بس تظـــل أنت بسلام
أسهر أيــــــــامي وسنيني ...وأسرج بدمعي الظلام
بس عشانك يـــــــا حبيبي ...تغمض بلحـــظة وتنام
يمة والله سامحــــــــيني ...وأصفحي لي ما جنيت
آنه لو أدفع حـــــــــياتي ...دمعة منج ما وفيـــــت
يا بني سامحتك يا روحـي ...يا ثــــمر قلبي ونسيت لكن أذكر يا غنـــــــــــاتي ...انــي لــــعيونك شقيت
يكفي يا وليدي شكثرهــــا ...بقلبي اجراح وســـهام
تدري جم أنة في صـدري ...ما يوفيــــــــــها الكلام
ما يــــــــهمني شما يجيني ...بس تظـــل أنت بسلام
أسهر أيــــــــامي وسنيني ...وأسرج بدمعي الظلام
بس عشانك يـــــــا حبيبي ...تغمض بلحـــظة وتنام
يمة والله سامحــــــــيني ...وأصفحي لي ما جنيت
آنه لو أدفع حـــــــــياتي ...دمعة منج ما وفيـــــت
يا بني سامحتك يا روحـي ...يا ثــــمر قلبي ونسيت لكن أذكر يا غنـــــــــــاتي ...انــي لــــعيونك شقيت
ليست هناك تعليقات:
إرسال تعليق