ઇ【ツ على شاطئ بحر جدة

جلست بلحظه أتأمل على شاطي بحر جده

            بحالي وأسأله واقول شفت الي سلب روحي

أكيد أنك تشرفت وبعد موجك لمس خده

       الا ياحظ موجاتك تداعب جسم مجروحي

امانه قلي اوصافه ترى شوقي وصل حده

            طلبتك ترسم الصوره وابي هالرسم بوضوحي

 

ولاتجامل أخبره بـــ المزايا ماحد(ن) قــده

     أبيك تريح الي من عذابه صار مطروحي

 

وجاوبني يقول أنه عكس هالكون في خده

             جلس في مجلسك هذا وريحت عطره تفوحي

 

صـراحـه كلنا جينا .. انا وامواجــي بحده

      تصدق كننا في عالمـ (ن) ثاني ولانوحي

 

وشاف الموج وقف عند أقدامه ... يبي وده

         تبسم واخجل الدنيا رقيق وطبعه أمزوحي

 

تكلم والتزم كل المكان الصمت من رده

        لثامه مارحم من راح ليله هم مع نوحي

 

الا يابحر خايف ... عقب قافك يبتدي صده

     اخاف انه زعل منا وناوي ينزح نزوحي

 

بلا محد(ن) عرف كثر الدفى الي تملكه يده

        ولسانه لاتكلم به يروح القلب مع روحي

 

يـعذبـني بــ همساته ... وكلي هالغلا شده

           واذا أخطى عليه أسبقه وأقول مسموحي

 

 

الا يابـحـر علقـنـي بـــ غرامه لـ عنبو جــده

               من اسبابه عروق القلب جمر السمر به فوحي

 

 

اذا لك قلب أرحــم من غرامك يــ الغلا هده

          ولاتزعل أذا لك شف في غيري ترى اروحي

 

صـحيح ان الولـع بلشه ولكن شاعرك قـده

        وانا طبعي ابي قمه ولاترضيني سفوحي

 

اهيم بخاطرك واشكي غلاك الي انكشف سده

       ولو أخفيت ودك كل مافيني بك فضوحي

 

طلبت اجلس على شانك على شاطي بحر جده

          ولاتزعل أذا قافي لمس بك بعض الاجروحي !!

اصعب من الهم

اصعب من الهم انك تعاند الهم

تمشي وجرحك ماتوقف نزيفه

تبكي بلادمعه وتصرخ بلافم

وتكحل اهداب العيون الكفيفه

يامادعيت الحظ ماقال لي سم

جاني على كيفه وغادر بكيفه

الصدر للطعنات مهوب للضم

لاجيت اعانق صاحبي سل سيفه

يا كم ولد خال ويا كم ولد عم

قلبه قوي لكن نفسه ضعيفه

وانااحسب اني حافظ السالفه صم

لكن ردود الفعل كانت عنيفه

ايام ... والايام ماعندها دم 

ان جت وان اقفت ماعليها حسيفه

يـا ضــايــق الـــصـــدر

يـا ضــايــق الـــصـــدر بالله وســـــع الــخــاطـــر

دنـــــــيـــــــاك يـــــــازيـــــــن مـــاتـــســـتــــاهــــل الــــضــــيــــقــــة

الله عـلـى مــايــفــرج كــــربـــــــتـــــــك قـــــــــــــــــــادر

والله لـه الــحــكـــــم فــــــــــــي دبــــــــــــرة مـــخـــالـــيـــقــــه

حــلــو الـعــيــون اسـتـهــانــت دمـعــهــا الــحــادر

كــــــف الــعــبــايـــر حــــزيــــن الــــدمــــع مــاأطــيـــقـــه

حـسـايـف الـحـزن يـغـشـى وجـهـك الـطـاهـر

والـــــــــــــورد فـــــــــــــي وجـــــنـــــتـــــك حـــــــــــــرام تــــغــــريــــقــــه

يـــفـــداك قـــلـــب عـــلـــى مـاتـشــتــهــيــه حـــاضــــر

يـــــفــــــداك بــــالــــلـــــي بــــقــــالـــــي مـــــــــــن مـــعـــالـــيـــقـــه

مـافـــات خـــــلــه ولاتـــــهــــــتــــــم مـــــــــــــــن بــــــــاكــــــــر

واغـــــنـم مـن الـــيـوم مــــاشــــائــــت تـــوافـــيـــقــــه

كـان عنـدك همـ

كـان عنـدك همـ لا ترفـع تـقـول
يـا إلـه الكـون همـي كـم كـبـر

قل يـا همـي تـرا مهمـا تصـول
عـنـدنـا ربٍ كـبـيـرٍ يــــا بــشــر

كـل هالدنيـا تـرا مثـل الفصـول
ضيقتيـن وفرحتيـن وكـم كــدر

القهـر لـو طـال فـي يـومٍ يـزول
كـــن مـاجـانـا بدنـيـتـنـا قــهــر

والبكـاء قـصـه بدايتـهـا هـطـول
والخـدود ارضٍ ودمعـاتـك مـطـر

الزهر لو عاش من دمعـة بتـول
كان في خدي من الدمعه زهر

السهـر مـا اتعـبـه لـيـلٍ يـطـول
لـو يطـول الليـل مـاذل السـهـر

المهم اسمع كلام اللي يقـول
بـيـت شـعـرٍ ناحتيـنـه بالحـجـر

لـو يجيـك الهـم لا ترفـع تـقـول
يـا إلـه الكـون همـي كـم كـبـر

ياعـيـن لاتبكـيـن

ياعـيـن لاتبكـيـن وياقلـبـي ارتـــاح
شـي كتـب فـي اللـوح مافـيـه حيـلـه 

مــادام ان الـلـي تـبـي عـافـك وراح
شــوري علـيـك انـسـى ودور بديـلـه

لاتطـرد المقفـي تـرى مـالـك اصــلاح
مـن يطـرد المقفـي تـرى مضيـع دليلـه

ماينفـع المجـروح لا مـن شكـا وصــاح
ماتريـد لـه الشكـوى وروحــه عليـلـه

اصـبـر وتـالـي ذا البهـاذيـل تـنـزاح
وتعـود لـك صـفـو الليـالـي الجميـلـه

كم واحـد قبلـك مـن أهـل الهـوى طـاح
ومشاكلـه صـارت عريـضـه وطويـلـه

صبـر ومـن بعـد الصبـر عـاش مرتـاح
ومسهـلـه الدنـيـا بـأسـهـل وسـيـلـه

مافـيـه قـفــل الا لـــزوم بمـفـتـاح
والصـبـر مفـتـاح الآمــور المهـيـلـه

معزة ومقدار الصمت له عندى مكان

معزة ومقدار الصمت له عندى مكان

في زحمة الافواه .. يا مزين الصمت !!

لا صار بعض البوح عند البشر عار

لو يشتعل جوفي حشى ما تكلّمت

تعبت من قولة : (علامك) و وش صار ؟

وأن طحت ما ألقى سوى كلمة (سلمت)

واعذار اخلقها ولو مالي اعذار

مشّيتها مره .. ومرات ما رمت !!

كذبة صباح الخير/ يا صبح الانوار

عذري ليا عدّت ليالي ولا نمت

اسهر طوال الليل وضْيوفي أفكار

واقول لاْصحابي : نعم توّني قمت !!

ما عاد فيني ألفت عْيون واْنظار

يكفي بأني من زماني تعلّمت

أن الصدر بيتــ ٍ.. وسكّانه أسرار

نيّام .. بس يصحون لامن تألّمت

يصحون ويناظرهم الجار والمار

وش عاد ينفع سترهم لو تكتّمت ؟!!

آقدّم اقدامي على درب الاصرار

امشي ولكن للأسف ما تقدّمت

النار قدامي .. ومن خلفي النار !!

والعمر يمضي بي وأنا ما تولّمت

الين ذاك الحلم في لحظه انهار

وأنا مع لحظة سقوطه تحطّمت

جروحي كثار..وتناهيدي كثار

لكن على كثر المواجع .. تبسّمت !!

ثم أْلتزمت الصمت وعزومي اكبار

ولو يشتعل جوفي حشى ما تكلّمت

و عيوني اللي ظماها السهد والنوح

و عيوني اللي ظماها السهد والنوح
قامت على فرقا الحبايب تهلي تهلي


وانا الذي من لوعه البعد مجروح
أطوي الصبر كان العزا ما حصلي

كان الجسد يقوى على غيبة الروح
فانا قويت أصبر على بعد خلي

كان الهوى ما به على الطول مصلوح
عزاه يا عمر مسيره يولي يولي

ما بين دمع فوق الأوجان مسفوح
ما بين دنيا بعدت صاحب لي

  عسى قلب شكى حب مملوح
يصبر على طول النوى بالتسلي